ސައިޕްރަސް ގެ ޚާރިޖީ ވަޒީރަށް އެ ގައުމުގެ މިނިވަން ދުވަހުގެ ތަހުނިޔާ ދިވެހިރާއްޖޭގެ ޚާރިޖީ ވަޒީރު ފޮނުއްވައިފި
ސައިޕްރަސް ގެ މިނިވަން ދުވަހުގެ މުނާސަބަތުގައި އެޤައުމުގެ ޚާރިޖީ ވަޒީރު، ހިޒް އެކްސަލެންސީ ކޮންސްޓަންޓީނޯސް ކޮމްބޯސް އަށް ދިވެހިރާއްޖޭގެ ޚާރިޖީ ވަޒީރު، އަލްފާޟިލާ އިރުތިޝާމް އާދަމް ތަހުނިޔާގެ މެސެޖެއް ފޮނުއްވައިފިއެވެ.
ވަޒީރުގެ މެސެޖު ތިރީގައި މިވަނީއެވެ.
"ދިވެހި ސަރުކާރާއި ދިވެހި ރައްޔިތުންގެ ނަމުގައި، އަދި އަޅުގަނޑުގެ އަމިއްލަ ނަމުގައި މަނިކުފާނަށާއި ސައިޕްރަސް ސަރުކާރަށާއި ރައްޔިތުންނަށް، ސައިޕްރަސްގެ މިނިވަން ދުވަހުގެ ތަހުނިޔާ އަރިސްކުރަމެވެ.
އަޅުގަނޑުގެ އުންމީދަކީ ދިވެހިރާއްޖެ އާއި ސައިޕްރަސް އާ ދެމެދު އޮތް ގުޅުން އިތުރަށް ހަރުދަނާ ކުރުމަށް ދެ ޤައުމަށްވެސް ފައިދާހުރި ދާއިރާތަކުން މަނިކުފާނާ ގުޅިގެން ގާތުން މަސައްކަތްކުރުމެވެ.
އަޅުގަނޑު މަނިކުފާނަށް ކުރާ މަތިވެރި ޤަދަރު އާކޮށް، އެކަން ޔަޤީންކޮށް އެރުވުމަށް މި ފުރުސަތުގެ ބޭނުންކުރީމެވެ."