މިލަންދޫގައި ކުރިއަށް ގެންދިޔަ ބެޑްމިންޓަން އަމްޕަޔަރުން ތަމްރީނު ކުރުމުގެ ކޯސް ނިންމާލައިފި

ބެޑްމިންޓަން އަށް ޝައުގުވެރިވާ ފަރާތްތަކަށް ހާއްސަކޮށް އަމްޕަޔަރުން ތަމުރީނު ކުރުމަށް ށ. މިލަންދޫގައި ކުރިއަށް ގެންދިޔަ ކޯސް ކާމިޔާބުކަމާއެކު ނިންމާލައިފިއެވެ.

މި ކޯސް ނިންމި ބައިވެރިންނަށް ސެޓްފިކެޓްހަވާލުކޮށްދެއްވާ މި ރަސްމިއްޔާތު ޝަރަފުވެރިކޮށްދެއްވީ މި ވުޒާރާގެ ސްޓޭޓް މިނިސްޓަރ އަހުމަދު މުހައްމަދު ވަހީދުއެވެ.

މިލަންދޫގައި މި ކޯސް ކުރިއަށް ގެންގޮސްފައިވަނީ މި ހިނގާ ސެޕްޓެމްބަރު މަހުގެ 22 އިން 28 ސެޕްޓެމްބަރުގެ ނިޔަލަށެވެ.

މިއީ މި ވުޒާރާއިން ބެޑްމިންޓަން އެސޯސިއޭޝަނާއި މިލަންދޫ ކައުންސިލް އަދި މޯލްޑިވްސް ނޭޝަނަލް އިންސްޓިޓިއުޓް އޮފް ސްޕޯޓްސްއާ ގުޅިގެން ކުރިއަށް ގެންދިޔަ ކޯހެކެވެ.

7 ދުވަހުގެ މުއްދަތަށް ކުރިއަށްގެންދިޔަ މި ކޯސް 18 ބައިވެރިން ފުރިހަމަކުރިއެވެ.

މި ކޯހުގެ ބައިވެރިންނަށް ވަނީ ބެޑްމިންޓަންއާ ގުޅޭ ގިނަ ހުނަރުތައް ކިޔާދީ އަދި ޕްރެކްޓިކަލް ކްލާސްތައްވެސް ނަގާދީފައެވެ.

މި ކޯހުގައި ކްލާސްތައް ނަގައިދެއްވީ ތަޖުރިބާކާރު އިންސްޓްރަކްޓަރުން ކަމަށްވާ އަބްދުލް ކަރީމް އަދި އަހުމަދު ޝިހާމްއެވެ.