އިމާރާތްތަކުގައި ހަކަތަ ރައްކާތެރިކުރުމުގެ ގައިޑްލައިނަށް އަހުލުވެރިކުރުމުގެ ވޯކްޝޮޕެއް ފަށައިފި

މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާއާއި، ކްލައިމެޓް އެންޑް ކްލީން އެއާ ކޯލިޝަން (ސީސީއޭސީ) ގުޅިގެން، އިމާރާތްތަކުގައި ހަކަތަ ރައްކާތެރިކުރުމާ ގުޅޭގޮތުން އެކުލަވާލާފައިވާ "މޯލްޑިވްސް އެނާޖީ އެފިޝަންސީ ގައިޑްލައިން ފޯ ބިލްޑިންގްސް" އަށް އަހުލުވެރިކުރުމުގެ 3 ދުވަހުގެ ތަމްރީނު ވޯކްޝޮޕެއް މީރުމާ ހޯލުގައި ފަށައިފިއެވެ.

މި ތަމްރީނު ޕްރޮގްރާމް ރަސްމީކޮށް ފައްޓަވައިދެއްވީ މިނިސްޓަރ އޮފް ސްޓޭޓް ފޮރ ކްލައިމެޓް ޗޭންޖް، އެންވަޔަރަންމަންޓް އެންޑް އެނާޖީ، ޑރ. މުއާވިޔަތު މުޙައްމަދެވެ. މި ރަސްމިއްޔާތުގައި ވާހަކަފުޅު ދައްކަވަމުން އެމަނިކުފާނު ވަނީ، އިމާރާތްތައް ފަރުމާކުރުމުގެ ކުރީކޮޅުގައި ހަކަތަ ރައްކާތެރިކުރެވޭނެ ވިސްނުންތެރި ގޮތްތައް ބޭނުންކުރުމަކީ، މުޅި ޤައުމުގެ ކަރަންޓުގެ ޚަރަދު ކުޑަކުރުމަށާއި މޫސުމީ ލަނޑުދަނޑިތައް ޙާޞިލުކުރުމަށް ކޮންމެހެން މުހިންމު ކަމެއްކަން ފާހަގަކުރައްވާފައެވެ.

ދުނިޔޭގެ މަޝްހޫރު ކުންފުންޏެއް ކަމަށްވާ 'ޑެލޮއިޓް' ގެ ހަކަތައާ ބެހޭ މާހިރުން ކުރިއަށްގެންދާ މި ވޯކްޝޮޕްގައި އާކިޓެކްޗަރ، އިންޖިނިއަރިންގ އަދި އިމާރާތްކުރުމުގެ ދާއިރާގައި މަސައްކަތްކުރާ 40 ފަންނީ ބޭފުޅުން ބައިވެރިވެއެވެ.

މި ސެޝަންތަކުގައި، ދެމެހެއްޓެނިވި ގޮތުގައި އިމާރާތްތައް ފަރުމާކުރުމާއި، ގުދުރަތީ ވައިދައުރުވުމާއި ފިނިހޫނުމިން ހިފެހެއްޓުމާއި، އިއާދަކުރަނިވި ހަކަތައިގެ ނިޒާމުތައް ބޭނުންކުރުމުގެ އިތުރުން،