ކޮޕް31 ޔޫތު ޓްރެކް: މޫސުމީ ބަދަލުތަކާ ދެކޮޅަށް ހަރުދަނާ ފިޔަވަޅުތަކެއް އެޅުމަށް ޒުވާނުންގެ އަޑު އުފުލައިފި

ދުނިޔެއަށް ކުރިމަތިވަމުންދާ މޫސުމީ ބަދަލުތަކާ ދެކޮޅަށް މާނަހުރި އަދި ހަރުދަނާ ފިޔަވަޅުތަކެއް އެޅުމުގެ އެއް އަމާޒުގައި، ދުނިޔޭގެ އެކި ކަންކޮޅުތަކުގެ ޒުވާނުންނާއި އެމީހުންގެ ޚިޔާލުތަކާއި އަޑުތައް އެއްތަނަކުން އިއްވުމަށް ކުރިއަށްގެންދިޔަ "ޔޫތު ޓްރެކް ޓު ކޮޕް31" ކާމިޔާބުކަމާއެކު ނިންމާލައިފިއެވެ.

މި ހަރަކާތަކީ މޫސުމަށް އަންނަ ބަދަލުތަކާ ގުޅޭގޮތުން ބާއްވާ ބައިނަލްއަޤްވާމީ މުހިންމު ސަމިޓް ކަމަށްވާ ކޮޕް31 އާ ދިމާކޮށް، ޒުވާނުންގެ ދައުރު ފުޅާކުރުމަށް ކުރިއަށްގެންދިޔަ މުހިންމު އިސްނެގުމެކެވެ. މި ހަރަކާތުގައި ބައިވެރިވި ޒުވާނުން ވަނީ މޫސުމީ ކާރިސާތަކުން އަރައިގަތުމަށާއި، ދެމެހެއްޓެނިވި ތަރައްޤީއަށް ބޭނުންވާ އައު ވިސްނުންތަކާއި ޚިޔާލުތައް ހިއްސާކޮށްފައެވެ.