ފެން ސަޕްލައި އަދި ނަރުދަމާގެ ދާއިރާއިން ކުރިއަށް ދިއުމަށް ހުޅުވާލި ފުރުސަތެއް:

ފެނުގެ ދާއިރާއިން ކުރިމަގު ބިނާކުރަން ބޭނުންވާ ދިވެހި ފުރުސަތުތަކަށް އަމާޒުކޮށްގެން "ނޭޝަނަލް ސެޓްފިކެޓް III އިން ޕްލަމްބިންގ" ކޯހުގައި ބައިވެރިވުމުގެ ފުރުސަތު މިއަދު ހުޅުވާލައިފިއެވެ.

މިއީ ގްރީން ކްލައިމެޓް ފަންޑު (ޖީ.ސީ.އެފް) ރެޑިނަސް ޕްރޮޖެކްޓުގެ ދަށުން، ޖަރުމަނުވިލާތުގެ ޖީ.އައި.ޒެޑް (GIZ) ގެ ފަންނީ އެހީތެރިކަމާއެކު މޯލްޑިވްސް އިންސްޓިޓިއުޓް އޮފް ޓެކްނޮލޮޖީ (އެމް.އައި.ޓީ) އިން ކުރިއަށްގެންދާ ތަމްރީނު ޕްރޮގްރާމެކެވެ.

މި ކޯހުގެ މައިގަނޑު ތަފްސީލްތައް:

ކޯހުގެ މުއްދަތު: 6 މަސް ދުވަސް.

ޚަރަދު: މިއީ މުޅިން ހިލޭ ކުރިއަށްގެންދާ ފުލީ-ފަންޑަޑް ޕްރޮގްރާމެކެވެ.

ސުންގަޑި: ކޯހުގައި ބައިވެރިވުމަށް ރަޖިސްޓްރީ ކުރުމުގެ އެންމެ ފަހު ތާރީޚަކީ 10 އޯގަސްޓް 2026 އެވެ.

މި ތަމްރީނު ޕްރޮގްރާމަކީ ރާއްޖޭގެ ފެނާއި ނަރުދަމާގެ ދާއިރާއަށް ބޭނުންވާ ފަންނީ މީހުން ބިނާކުރުމަށާއި، މޫސުމީ ބަދަލުތަކުން އަރައިގަތުމަށް ކުރެވޭ މަސައްކަތްތަކުގެ ތެރެއިން ހުނަރުވެރި ޖީލެއް އުފެއްދުމަށް ފަރުމާކުރެވިފައިވާ ކޯހެކެވެ. ޚާއްޞަކޮށް މި ދާއިރާއިން އަންހެނުން ކުރިއަށް ދިއުމަށް ބާރުއެޅުމުގެ ގޮތުން، އަންހެން ބޭފުޅުން މި ކޯހަށް ކުރިމަތިލުމަށް އިސްކަންދީ ބާރުއަޅާފައިވެއެވެ.

ކޯހުގައި ބައިވެރިވުމަށް އެދި ފޯމު ހުށަހަޅާނީ https://forms.gle/osGPcxbzc2o7Axuj7 މެދުވެރިކޮށެވެ.

ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ ސަރުކާރުން ޒުވާނުންނަށް މަސައްކަތްތެރިކަމުގެ ދާއިރާއިން ފުރުސަތުތައް ފަހިކޮށްދިނުމަށް ދެއްވާ އަހައްމިއްޔަތުކަމުގެ ދަށުން، މިއީ ފަންނީ ހުނަރު އިތުރުކޮށް އަމިއްލަ ފައިމައްޗަށް ތެދުވުމަށް ލިބިގެންދާ ރަނގަޅު ފުރުސަތެއްކަން ފާހަގަކުރެވެއެވެ.