މާލޭގައި 1 އަހަރަށްވުރެ ކުރު މުއްދަތަކަށް ރަށްވެހިވެފައިވާ ފަރާތްތަކަށް އެޕްލައިކުރެވޭގޮތަށް ފޯމަށް ބަދަލުގެނެސްފި

މާލޭގައި 1 އަހަރަށްވުރެ ކުރު މުއްދަތައް ރަށްވެހިވެފައިވާ ފަރާތްކުން މާލޭގައި 15 އަހަރަށްވުރެ ގިނަ ދުވަހު އުޅެފައިވާ މީހުންގެ ކެޓަގަރީއަށް ޝަރުތުފުރިހަމަވާނަމަ، އެޕްލައިކުރެވޭ ގޮތް ހެދުމަށްޓަކައި 3 ފޯމަކަށް ބަދަލު ގެނެސްފިއެވެ.

ބަދަލު ގެނެސްފައިވާ ފޯމުތައް:

• އާއިލީ ބޯހިޔާވަހިކަން ޕްރޮގްރާމްގެ ދަށުން މާލޭގައި ދިރިއުޅޭ ރައްޔިތުންނަށް ފުލެޓު ދޫކުރުމުގެ ސްކީމް

• އާއިލީ ބޯހިޔާވަހިކަން ޕްރޮގްރާމްގެ ދަށުން މާލޭގައި ދިރިއުޅޭ ރައްޔިތުންނަށް ދިރިއުޅުމަށް ބިން ދޫކުރުމުގެ ސްކީމް

• "ގޯތިގެދޮރު" ޕުރޮގުރާމުގެ ދަށުން، މާލޭގައި ދިރިއުޅޭ ރައްޔިތުންނަށް ދިރިއުޅުމަށް ބަންޑާރަ ގޯތި ދޫކުރުމުގެ ސްކީމް

މި ފަރާތްތަކުން އެޕްލިކޭޝަން ހުށަހަޅާއިރު، މެދުނުކެނޑި މާލޭގައި ދިރިއުޅޭތާ 15 އަހަރު ވެފައިވާ ފަރާތެއްކަން އެނގޭނެ ލިޔެކިޔުމުގެ އިތުރުން މާލޭގައި ރަށްވެހިވި ތާރީޚް އެނގޭނެ ލިޔުމެއް ހުށަހަޅަންޖެހޭނެއެވެ.