ކޮނޑޭ ކައުންސިލުން މިނިސްޓަރާ ބައްދަލުކުރައްވައިފި
ހުވަދު އަތޮޅު އުތުރުބުރީ ކޮނޑޭ ކައުންސިލުން، މިނިސްޓަރ އޮފް ސިޓީސް ލޯކަލް ގަވަރމަންޓް އެންޑް ޕަބްލިކް ވަރކްސް އާދަމް ޝަރީފު ޢުމަރާ ބައްދަލުކުރައްވައިފިއެވެ.
މިނިސްޓްރީގައި މިއަދު އޮތް މި ބައްދަލުކުރެއްވުމުގައި ކޮނޑޭގައި ސަރުކާރުން ހިންގާ މަޝްރޫއުތަކާ ބެހޭގޮތުން މަޝްވަރާކުރެވިފައިވެއެވެ. އަދި އެ މަޝްރޫއުތަކާއި ބެހޭ މަޢުލޫމާތު ކައުންސިލުން މިނިސްޓަރާ ހިއްސާކުރެއްވިއެވެ.
ކައުންސިލުން އެދުނު ކަންކަމާއި ގުޅޭގޮތުން ވުޒާރާތަކާއި މަޝްވަރާކުރައްވާނެކަމަށް މިނިސްޓަރ ވިދާޅުވިއެވެ.
މި ބައްދަލުވުމުގައި ކޮނޑޭ ކައުންސިލުން ވަނީ މިނިސްޓަރާއި، މިނިސްޓްރީގެ ފަރާތުން ލިބެމުންދާ އެއްބާރުލުން ފާހަގަކޮށް އެކަމަށް ޝުކުރު އަދާކުރައްވާފައެވެ.