ކްލަބް އެމްސީއެލްޕީގެ ދެވަނަ މަދަޙަ މުބާރާތް ބާއްވައިފި

މިނިސްޓްރީ އޮފް ސިޓީސް ލޯކަލް ގަވަރމަންޓް އެންޑް ޕަބްލިކް ވަރކްސްއިން މި ރަމަޟާންމަހަށް ޚާއްސަކޮށްގެން މަދަޙަ މުބާރާތެއް ބާއްވައިފިއެވެ.

މި މަދަޙަ މުބާރާތް ކުރިއަށް ދިޔައީ ރޭ މިނިސްޓްރީގެ ކުޅިވަރު ފެންޑާގައެވެ.

ކްލަބް އެމްސީއެލްޕީ އިން އިންތިޒާމުކޮށްގެން ދެ ބަޔަކަށް ބަހާލައިގެން ކުރިއަށް ގެންދިޔަ މި މުބާރާތުގައި ގްރޫޕް މަދަޙަ ކިޔުމުގެ ބައިން 1 ވަނަ ޙާޞިލުކުރީ އެޑްމިނިސްޓްރޭޓިވް ސެކްޝަނުންނެވެ. އެ ސެކްޝަނުން ހުށަހަޅައިދިން މަދަހަ އަކީ ''އިތުރު ރަސޫލާ'' އެވެ.

ގްރޫޕު މަދަޙަ ކިޔުމުން ދެވަނަ ޕްރޮޖެކްޓް ޑިޕާޓްމަންޓަށް ލިބުނުއިރު 3 ވަނަ ހޯދީ އެގްޒެކްޓިވް ބިއުރޯ ޑިޕާޓްމަންޓުންނެވެ.

ވަކިން ހުށަހެޅި ހުށަހެޅުންތަކުގެ ތެރެއިން އެއްވަނަ ލިބުނީ ޕްރޮޖެކްޓް ޑިޕާޓްމަންޓުގެ އެސިސްޓެންޑް ޑިރެކްޓަރ އާމިނަތު ޝަމީޒާއަށެވެ. ދެވަނަ ޑެޕިއުޓީ މިނިސްޓަރ މައުރޫފް ހުސެއިން އަށް ލިބުނުއިރު 3 ވަނަ ހޯދީ ސީނިއާ ޕޮލިޓިކަލް ޑިރެކްޓަރ ހަސަން ނިޒާރެވެ.

އެއް ވަނަ ހޯދި ޓީމަށާއި، އެއްވަނަ ހޯދި މަދަޙަ ކިޔުންތެރިޔާއަށް އިނާމާއި، ސެޓްފިކެޓް ހަވާލުކޮށްދެއްވީ މިނިސްޓަރ އާދަމް ޝަރީފު ޢުމަރުއެވެ.

މިއީ ކްލަބް އެމްސީއެލްޕީން މަދަހަ މުބާރާތް ބާއްވާ ދެވަނަ ފަހަރެވެ.