ނުކުޅެދުންތެރިކަން ހުންނަ ފަރާތްތަކާއެކު މަސައްކަތްކުރާ ޖަމިއްޔާތަކާ މި ވުޒާރާއިން ބައްދަލުކުރައްވައިފި
ނުކުޅެދުންތެރިކަން ހުންނަ ފަރާތްތަކުގެ ޙައްޤުގައި މަސައްކަތްކުރާ ޖަމިއްޔާތަކާއެކު މި ވުޒާރާއިން މިއަހަރަށް ރާވާފައިވާ ހަރަކާތްތައް ފެށުމުގެ ގޮތުން ބާއްވާ ބައްދަލުވުންތަކުގެ ފުރަތަމަ ބައްދަލުވުން ބާއްވައިފިއެވެ.
މި މަހުގެ 16 ވަނަ ދުވަހު މި ވުޒާރާގައި ކުރިއަށްދިޔަ މި ބައްދަލުވުމުގައި ވަޒީރު ޑރ ޢައިޝަތު ޝިހާމް ވަނީ ބައިވެރިންނާ ބައްދަލުކުރައްވައި، މިއަހަރު ކުރިއަށްގެންދިއުމަށް ހަމަޖެހިފައިވާ މުހިންމު ކަންކަމާ ގުޅޭގޮތުން މަޝްވަރާކުރައްވާފައެވެ.