ރާއްޖޭގެ ފުރަތަމަ ޑިވެލޮޕްމަންޓް ބޭންކް އެފެއްދުމަށް ލައިސެންސް ހޯދަން ހުށަހަޅައިފި

ރާއްޖޭގެ ފުރަތަމަ ޑިވެލޮޕްމަންޓް ބޭންކް، ޑިވެލޮޕްމަންޓް ބޭންކް އޮފް މޯލްޑިވްސް ހިންގުމުގެ ލައިސަންސް ހޯދުމަށް ޢިޤްތިޞާދާ ވިޔަފާރިޔާ ބެހޭ ވުޒާރާއިން މޯލްޑިވްސް މަނިޓަރީ އޮތޯރިޓީ (އެމްމެމްއޭ) އަށް ހުށަހަޅައިފިއެވެ. ޑިވެލޮޕްމަންޓް ބޭންކް ހިންގުމުގެ ލައިސަންސަށް އެދި ހުށަހަޅާފައިވަނީ އާދީއްތަ ދުވަހުގެ ހެނދުނުގެ ވަގުތެއްގައެވެ.

ޑިވެލޮޕްމަންޓް ބޭންކުތަކަކީ އާ ވިޔަފާރިތައް ޤާއިމްކުރުމަށް ލޯނު ފެސިޓީއާއި ސިނާއީ ހަރަކާތްތަކާއި އެހެނިހެން އިޤްތިޞާދީ ހަރަކާތްތައް ޤައުމުތަކުގައި ތައާރަފްކުރުމަށް އަމާޒުހިފާފައިވާ މާލީ އިދާރާތަކެކެވެ. ރާއްޖޭގައި މިފަދަ މުއައްސަސާއެއް ޤާއިމުކުރުމަކީ ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ އިންތިޚާބީ ވައުދުތަކުގެ ތެރެއިން ވަޢުދުފުޅެކެވެ. ރައީސުލްޖުމްހޫރިއްޔާ ޑރ މުޙައްމަދު މުއިއްޒު ވަނީ ކުންފުނިތަކުގެ ގާނޫނުގެ ދަށުން އެމަނިކުފާނަށް ލިބިދީފައިވާ ބާރުގެދަށުން ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް އުފައްދަވާފަ އެވެ.

ހޮނިހިރު ދުވަހުގެ ރޭ ޕަބްލިކް ސާވިސް މީޑިއާ (ޕީއެސްއެމް) އަށް މައުލޫމާތު ދެއްވަމުން އިގްތިސާދާއި ބެހޭ ވަޒީރު ސައީދު ވިދާޅުވީ ޑިވެލޮޕްމަންޓް ބޭންކުގެ ބޯޑަށް ބައިނަލްއަޤުވާމީ ބޮޑެތި ބޭންކުތައް ހިންގުމުގެ ތަޖުރިބާ ލިބިފައިވާ މާލީ ދެ މާހިރުން އައްޔަންކޮށްފައިވާ ކަމަށެވެ.