ގުއަޓެމާލާގެ ޚާރިޖީ ވަޒީރަށް އެ ގައުމުގެ ގައުމީ ދުވަހުގެ ތަހުނިޔާ ދިވެހިރާއްޖޭގެ ޚާރިޖީ ވަޒީރު ފޮނުއްވައިފި
ގުއަޓެމާލާގެ ގައުމީ ދުވަހުގެ މުނާސަބަތުގައި އެޤައުމުގެ ޚާރިޖީ ވަޒީރު، ކާރލޮސް ރަމީރޯ މަރޓީނެޒް އަލްވަރަޑޯ އަށް ދިވެހިރާއްޖޭގެ ޚާރިޖީ ވަޒީރު، ޑޮކްޓަރ ޢަބްދުﷲ ޚަލީލު ތަހުނިޔާގެ މެސެޖެއް ފޮނުއްވައިފި އެވެ.
މިނިސްޓަރުގެ މެސެޖު ތިރީގައި މިވަނީއެވެ.
"ދިވެހި ސަރުކާރާއި ދިވެހި ރައްޔިތުންގެ ނަމުގައި، އަދި އަޅުގަނޑުގެ އަމިއްލަ ނަމުގައި، މަނިކުފާނާއި ގުއަޓެމާލާ ސަރުކާރަށާއި އެންމެހާ ރައްޔިތުންނަށް، ގައުމީ ދުވަހުގެ ތަހުނިޔާ އާއި އިޚްލާޞްތެރި ހެޔޮއެދުންތައް ފޮނުވަމެވެ.
ދިވެހިރާއްޖެއާ އާއި ގުއަޓެމާލާ، ދެޤައުމުގެ ދެމެދުގައި އޮންނަ ރަޙްމަތްތެރިކަމުގެ ގުޅުމާއި ގާތް އެއްބާއްބާރުލުން ކުރިއަށް އޮތް އަހަރުތަކުގައި އިތުރަށް ހަރުދަނާވެ، ފުޅާވެގެންދާނެ ކަމަށް އަޅުގަނޑު ޔަޤީންކުރަމެވެ
އަޅުގަނޑު މަނިކުފާނަށް ކުރާ މަތިވެރި ޤަދަރު އާކޮށް، އެކަން ޔަޤީންކޮށް އެރުވުމަށް މި ފުރުސަތުގެ ބޭނުންކުރީމެވެ."