އަށް ވަނަ ޗައިނާ-ސައުތު އޭޝިއާ އެކްސްޕޯ ހުޅުވުމުގެ ރަސްމިއްޔާތުގައި އިގްތިސާދި ވުޒާރާގެ ޓިމެއް ބައިވެރިވެވަޑައިގެންފި

އަށްވަނަ ވަނަ ޗައިނާ-ސައުތު އޭޝިއާ އެކްސްޕޯ އާއި 28 ވަނަ ޗައިނާ ކުންމިން އިމްޕޯޓް އެކްސްޕޯޓް ފެއާގެ ހުޅުވުމުގެ ރަސްމިއްޔާތުގައި ރާއްޖޭގެ ވިޔަފާރިއާބެހޭ ވުޒާރާގެ ވަފުދެއް ބައިވެރިވެ ވަޑައިގެންފިއެވެ.

ރާއްޖޭގެ ވަފުދު މި ރަސްމިއްޔާތުގައި ބައިވެރިވުމާ ގުޅިގެން، ޗައިނާގެ އެމްބަސީއިންނާއި އެކްސްޕޯ އިންތިޒާމްކުރި ފަރާތްތަކުން ވަރަށް ހޫނު މެހެމާންދާރީއެއް ދެއްވިއެވެ. މިކަމުން ދޭހަވަނީ ރާއްޖެއާއި ޗައިނާއާ ދެމެދު އޮތް ގުޅުމުގެ ބަދަހިކަމާއި، ވިޔަފާރީގެ ދާއިރާއިން ދެ ޤައުމު ގުޅިގެން މަސައްކަތްކުރުމުގެ މުހިންމުކަމެވެ. މި ރަސްމިޔާތުގައި ރާއްޖޭގެ ވިޔަފާރިޔާ ބެހޭ ވުޒާރާއިން ސްޓޭޓް މިނިސްޓަރ ހުސައިން ޒަމީރު , ޑެޕިއުޓީ މިނިސްޓަރ އަހްމަދު ސާލިމް ސައީދު އަދި ޕާލިމެންޓް ޑެޕިއުޓީ ސްޕީކަރ ނާޒިމް ބައިވެރިވެވަޑައިގެންނެވިއެވެ. އަދި އެސް.އެމް.އީ.އެސް ގެ ދެ ބޭފުޅުން ހިމެނެއެވެ.

މިއަހަރުގެ ސައުތު ޗައިނާ އެކްސްޕޯގައި އޮންލައިން އަދި އޮފްލައިންކޮށް އެއްފަހަރާ ބާއްވާނެއެވެ. އަދި މި އެކްސްޕޯ އިންތިޒާމު ކުރެއްވި ފަރާތުން ވަނީ ރާއްޖެއަށް ހާއްސަކޮށް ފުރުސަތުތަކެއް ފަހިކޮށްދެއްވާފައެވެ. އެގޮތުން ޝޯކޭސްކޮށް ވިއްކާފަރާތްކަށް ދަތުރުފަތުރުގެ ހިދުމަތާއި ހުރުމާއި ކެއުންވަނީ ފަހިކޮށްދެއްވާފައެވެ.

މި އެކްސްޕޯ ބޭއްވުމަށް ހަމަޖެހިފައިވަނީ 2024 ވަނަ އަހަރުގެ ޖުލައި 23 އިން 28 އަށް ކުންމިންގގައެވެ

މި އަހަރުގެ އެކްސްޕޯގެ ތީމްގެ ގޮތުގައި ކަނޑައަޅާފައި ވަނީ "އެކުވެރިކަމާއި އެއްބާރުލުން އާންމު ތަރައްޤީއަށްޓަކައި" އެވެ. ރާއްޖޭގެ އިތުރުން 80އަށް ވުރެ ގިނަ ގައުމަކުން މި އެކްސްޕޯގައި ބައިވެރިވެއެވެ.

މި އެކްސްޕޯގައި ރާއްޖެއިން ބައިވެރިވުމަކީ ދެ ޤައުމުގެ ވިޔަފާރީގެ ގުޅުން އިތުރަށް ހަރުދަނާވެ، އައު ފުރުޞަތުތަކެއް ހުޅުވިގެންދާނެ ކަމެވެ. އަދި މިފަދަ ބައިނަލްއަޤްވާމީ އެކްސްޕޯތަކުގައި ރާއްޖެއިން ބައިވެރިވުމަކީ ރާއްޖޭގެ އުފެއްދުންތަކާއި ޚިދުމަތްތައް ބޭރު ދުނިޔެއަށް ތަޢާރަފުކޮށް، އިތުރު މާކެޓްތަކަށް ވަދެވޭނެ މަގެއް ކަމުގައިވެސް ވެގެންދާނެއެވެ.

ވިޔަފާރިއާބެހޭ ވުޒާރާގެ ވަފުދުން މި އެކްސްޕޯގައި ބައިވެރިވެ ވަޑައިގަތުމަކީ ރާއްޖޭގެ ވިޔަފާރިވެރިންނަށް އިތުރު ފުރުޞަތުތަކެއް ހޯދައިދިނުމަށް ސަރުކާރުން ކުރަމުންދާ މަސައްކަތުގެ ބައެކެވެ. މި އެކްސްޕޯގައި ބައިވެރިވުމުގެ ސަބަބުން ރާއްޖޭގެ އިޤްތިޞާދަށް ފައިދާކުރާނެ އެތައް ކަމެއް ކުރިއަށް އޮތް ތަނުގައި ފެނިގެންދާނެއެވެ.