މިނިސްޓަރ އާދަމް ޝަރީފު ޢުމަރު ހއ. އަތޮޅު ކައުންސިލްގެ މެންބަރުންނާ ބައްދަލުކުރައްވައިފި

އިއްޔެ މެންދުރުފަހު އޮތް މި ބައްދަލުކުރެއްވުމުގައި ހއ. އަތޮޅުގެ ރަށްރަށުގައި ކުރުމަށް ހަމަޖެހިފައިވާ ތަރައްޤީގެ މަސައްކަތްތަކާ ބެހޭ ގޮތުން މަޝްވަރާކުރެވިފައި ވެއެވެ. މީގެ އިތުރުން ލާމަރުކަޒީ ނިޒާމު ހަރުދަނާކުރުމާ ބެހޭ ގޮތުން ފުޅާ ދާއިރާއެއްގައި މި ބައްދަލުވުމުގައި މަޝްވަރާކުރެވިފައި ވެއެވެ.

މިނިސްޓްރީގެ ރަށްވެހި މާލަމމުގައި އޮތް މި ބައްދަލުވުމުގައި މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްއިން ކައުންސިލްތަކާއެކު ބާއްވާ ގާތް ގުޅުން ފާހަގަކުރައްވައި، ހއ. އަތޮޅު ކައުންސިލް މެމްބަރުން ވަނީ މިނިސްޓްރީގެ އެންމެހައި މުވައްޒަފުންނަށާއި، މިނިސްޓަރ އާދަމް ޝަރީފު ޢުމަރަށް ޝުކުރު އަދާކުރައްވާފައެވެ.

މި ބައްދަލުވުމުގައި މިނިސްޓަރ އާދަމް ޝަރީފު ޢުމަރުގެ އަރިހުގައި ޑެޕިޔުޓީ މިނިސްޓަރު ޢަލީ ޝަމީމާއި، ސީނިއަރ ޕޮލިޓިކަލް ޑިރެކްޓަރ ޙަސަން ނިޒާރު ބައިވެރިވެލެއްވިއެވެ.