އުނގެނުމުގައި ޚާއްސަ އެހީ ބޭނުންވާ ދަރިވަރުންނަށް ކިޔަވައިދޭނެ މުދައްރިސުން ތަމްރީނުކުރުމުގެ އެއްބަސްވުމުގައި ސޮއިކޮށްފި

އުނގެނުމުގައި ޚާއްސަ އެހީ ބޭނުންވާ ދަރިވަރުންނަށް ކިޔަވައިދޭނެ މުދައްރިސުން ތަމްރީނުކުރުމުގެ އެއްބަސްވުމުގައި ސޮއިކޮށްފި

ދިވެހިރާއްޖޭގެ އިސްލާމިކް ޔުނިވާސިޓީ (އައި.ޔޫ.އެމް) އަދި ތަޢުލީމީ ވުޒާރާގެ ފަރާތުން "ޑިޕްލޮމާ އިން އެޑިޔުކޭޝަން- ސްޕެޝަލް އެޑިޔުކޭޝަން" ޕްރޮގްރާމް ރަސްމީގޮތުގައި ފެށުމާއި ގުޅޭ އެއްބަސްވުމުގައި ސޮއިކުރައްވައިފިއެވެ.

ތަޢުލީމީ ވުޒާރާގެ ފަރާތުން މި އެއްބަސްވުމުގައި ސޮއިކުރައްވާފައިވަނީ އެ ވުޒާރާގެ ވަޒީރު، ޑރ. އިސްމާޢިލް ޝަފީއުއެވެ. އަދި ދިވެހިރާއްޖޭގެ އިސްލާމިކް ޔުނިވާސިޓީ (އައި.ޔޫ.އެމް)ގެ ފަރާތުން އެ ޔުނިވާސިޓީގެ ވައިސް ޗާންސެލަރ، ޑރ. ޢަލީ ޒާޙިރު ވަނީ މި އެއްބަސްވުމުގައި ސޮއިކުރައްވައިފައެވެ.

އައި.ޔޫ.އެމްގައި ކުރިއަށްގެންދިޔުމަށް ހަމަޖެހިފައިވާ "ޑިޕްލޮމާ އިން އެޑިޔުކޭޝަން- ސްޕެޝަލް އެޑިޔުކޭޝަން" ޕްރޮގްރާމަކީ ސަރުކާތުގެ މުހިއްމު ސިޔާސަތެއް ކަމުގައިވާ ހުރިހާ އެންމެންނަށް ހަމަހަމަ ފުރުޞަތުތަށް ފަހިކޮށްދިނުމުގެ ސިޔާސަތަށް ޢަމަލުކުރުމެވެ. އުނގެނުމުގައި ޚާއްސަ އެހީ ބޭނުންވާ ދަރިވަރުންނަށް ކިޔަވައިދިނުމަށް ބޭނުންވާ މުދައްރިސުން ތަމްރީނުކުރުމަށް އެކުލަވައިލެވިފައިވާ ޕްރޮގްރާމެކެވެ. މީގެ އިތުރުން، މި ޕްރޮގްރާމްގައި ބައިވުމަށް ހިއްވަރު ދިނުމުގެގޮތުން ކޯހުގައި ބައިވެރިވާ ފަރާތްތަކަށް ކޯހުގެ މުއްދަތުގެ ތެރޭގައި ސްޓައިޕެންޑް ދިނުމަށް ވަނީ ކަނޑައެޅިފައެވެ.