ބަހާބެހޭ ވަޒީރު އާދަމް ނަޞީރު އިބްރާހީމް އާރުޑީސީގެ އައު އެމްޑީއާ ބައްދަލުކުރައްވައިފި
ދިވެހިބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމް ރޯޑުޑިވޮލޮޕުމަންޓު ކޯޕަރޭޝަންގެ އާ އެމްޑީ އިބްރާހީމް ނަޒީމާ ބައްދަލުކުރައްވައިފިއެވެ.
ދިވެހިބަހާއި ސަގާފަތާއި ތަރިކައާ ބެހޭ ވުޒާރާގައި މިއަދު ބޭއްވި މި ބައްދަލުކުރެއްވުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިޢުލާނުކުރައްްވާފައިވާ، ޣާޒީ ރަދުންގެ އަސަރުތައް ދިރުވުމާއި، ތަރިކައިން އާމްދަނީ ހޯދުމުގެ މަޝްރޫޢުގެ ޢަމަލީ މަސައްކަތްތައް ފެށުމަށް ބޭނުންވާ އެންމެ ފަހުގެ އިންތިޒާމުތައް ހަމަޖެއްސުމުގެ ގޮތުން ބޭއްވި މަޝްވަރާ ބައްދަލުކުރެއްވުމެކެވެ.
މި ބައްދަލުކުރެއްވުމުގައި އާރުޑީސީއަށް އަލަށް އައްޔަންކުރެވުނު އެމްޑީ އިބްރާހީމް ނަޒީމަށް ބަހާބެހޭ ވަޒީރު އާދަމް ނަޞީރު އިބްރާހީމް ވަނީ މަރުޙަބާ ވިދާޅުވެފައެވެ.