ށ.ޅައިމަގު ޞިއްޙީމަރުކަޒު އަޕްގްރޭޑްކުރުމުގެ މަސައްކަތުގެ އެއްބަސްވުމުގައި ސޮއިކޮށްފި

ށ.ޅައިމަގު ޞިއްޙީމަރުކަޒުގެ އަޕްގްރޭޑްކުރުމުގެ މަސައްކަތުގެ އެއްބަސްވުމުގައި ސޮއިކޮށްފިއެވެ.

މިނިސްޓްރީގެ ފަރާތުން މިއެއްބަސްވުމުގައި ސޮއިކުރެއްވީ މިނިސްޓަރ އޮފް ހެލްތުގެ ނައިބު، އަލްއުސްތާޛް އިސްމާޢިލް ޒާހިރު އަދި ހަވާލުކުރެއްވި ކުންފުނީގެ ފަރާތުން ސޮއިކުރެއްވީ"އީކޮން މޯލްޑިވްސް ޕްރައިވެޓް ލިމިޓެޑް"ގެ ފަރާތުން މެނޭޖިންގ ޑިރެކްޓަރ، ހުސެއިން އަންވަރު އެވެ. އަރިހުގައި ދާޢިރާގެ އިއްޒަތްތެރި މެމްބަރ މުޙައްމަދު މަމްދޫހް ބައިވެރިވެ ވަޑައިގެންނެވިއެވެ.

180 ދުވަހުގެ ތެރޭގައި ނިންމުމަށް ހަވާލުކުރި މި މަސައްކަތުގެ އަގަކީ 4.8 މިލިއަން ރުފިޔާއެވެ.

މި ޕްރޮޖެޓްގެ ދަށުން ވޯޑަކާއި، ޕްރައިވެޓް ރޫމް، ލެބޯޓްރީ، ނާސް ސްޓޭޝަން، ޕްރޮސީޒަރ ރޫމް، ގަރާޖް އަދި ސްޓޯރ ރޫމް އިތުރުކުރެވިގެންދާނެއެވެ.