ޔޫތު މިނިސްޓްރީގެ ޔޫތު ވޮލަންޓިއަރުންނަށާއި މުވައްޒަފުންނަށް ފަސްޓް އެއިޑް އެވެއަރނަސް ޕްރޮގްރާމެއް ހިންގައިފި

މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސްގެ ޔޫތު ވޮލަންޓިއަރުންނަށާއި މުވައްޒަފުންނަށް އެމްއެންޑީއެފް މެޑިކަލް ކޯރއިން ފަސްޓް އެއިޑް އެވެއަރނަސް ޕްރޮގްރާމެއް ހިންގައިފިއެވެ.

ޖުލައި 22ވަނަ ދުވަހު މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސްގެ ފިޓްނަސް ރޫމުގައި ކުރިއަށްގެންދިޔަ މި ޕްރޮގްރާމަކީ އަވަސްފަރުވާ ލިބެންޖެހޭ ހާލަތުގައި ކަން ކުރަންވީ ގޮތާ ބެހޭގޮތުން ހޭލުންތެރިކުރުވުމުގެ ގޮތުން ހިންގި ޕްރޮގްރާމެކެވެ.

އެ މިނިސްޓްރީގެ 3 ވޮލަންޓިއަރުންނާއި، 19 މުވައްޒަފުން ބައިވެރިވި މި ޕްރޮގްރާމްގައި ކިޔަވައިދެއްވީ އެމްއެންޑީއެފް މެޑިކަލް ކޯރގެ މެޑިކުންނެވެ.