ށ. އަތޮޅުގެ ބައެއް ދަނޑުވެރިން ހދ. މަކުނުދޫ ގްރީން ހައުސްއަށް ޒިޔާރަތް ކުރުން

މޯލްޑިވްސް އެގްރި ބިޒްނަސް ޕްރޮގްރާމް (މެޕް) އިން ހދ. މަކުނުދޫގައި ޤާއިމް ކޮށްފައިވާ ގްރީންހައުސްއަށް ށ. އަތޮޅުގެ ބައެއް ރަށްތަކުގެ ދަނޑުވެރިން ޒިޔާރަތްކޮށްފިއެވެ.

މިމަހުގެ 4 އަދި 5 ގައި ށ. ބިލެއްފަހި، ށ.ފޭދޫ އަދި ށ. ފީވަކުގެ ދަނޑުވެރިން ކުރި ތަޖްރިބާ ދަތުރަކީ ގްރީން ހައުސްގައި ދަނޑުވެރިކަންކުރުމަށް އަޙުލުވެރިކުރުމަށްޓަކައި މެޕްގެ ފަރާތުން އިންތިޒާމް ކުރި ދަތުރެކެވެ.

‎މި ދަތުރުގައި ގްރީންހައުސްގައި ދަނޑުވެރިކަން ކުރާގޮތާއި އޭގެ ފައިދާ އަދި މަސައްކަތުގައި ހަރަކާތްތެރިވާގޮތް މަކުނުދޫގެ ދަނޑުވެރިންގެ ފަރާތުން ދަތުރުގެ ބައިވެރިންނަށް ހިއްސާކުރެވުނެވެ.

މޯލްޑިވްސް އެގްރި ބިޒްނަސް ޕްރޮގްރާމް (މެޕް) އިން އަންނަނީ ރާއްޖޭގައި ޒަމާނީ ، ދެމެހެއްޓެނިވި ދަނޑުވެރިކަމެއް ޤާއިމު ކުރުމަށްޓަކައި ދަނޑުވެރިންނަށް ތަފާތު ތަމްރީނާއި ހުނަރުތަކުގެ ޕްރޮގްރާމަތައް ހިންގަމުންނެވެ. އެގޮތުން މިހާތަނަށް ރާއްޖޭގެ 12 ރަށެއްގައި ގްރީން ހައުސްތައް ވަނީ ޤާއިމް ކޮށްފައެވެ. އަދި 11 ރަށެއްގައި ގްރީން ހައުސްތަށް ކާމިޔާބުކަމާއިއެކު އަންނަނީ ހިންގަމުންނެވެ.