އެމް.އެން.ޔޫ އިން އައި.ސީ.ޓީއާއި ގުޅޭ ކޮންފަރަންސެއް ބާއްވަނީ

ދިވެހިރާއްޖޭގެ ޤައުމީ ޔުނިވާސިޓީ (އެމް.އެން.ޔޫ)ގެ ފަރާތުން "އިންޓަރނޭޝަނަލް ކޮންފަރަންސް: އިންޖީނިއަރިންގ، ސައިންސް އެންޑް ޓެކްނޮލޮޖީ ފޮރ ސަސްޓެއިނަބަލް ޑިވެލޮޕްމަންޓް 2025 (އައި.ސީ.އީ.އެސް.ޓީ)ގެ ނަމުގައި ކޮންފަރަސެއް ބޭއްވުމަށް ތައްޔާރުވެއްޖެއެވެ.

ބައިނަލްއަޤްވާމީ ފެންވަރުގައި ކުރިއަށްގެންދާ މި ކޮންފަރަންސްގައި ބައިވެރިވުމަށް ޝައުގުވެރިވާ ފަރާތްތަކަށް ތިރީގައިވާ ލިންކު މެދުވެރިކޮށް ބައިވެރިވުމަށް ރަޖިސްޓްރީވުމުގެ ފުރުޞަތު ވަނީ ހުޅުވާލެވިފައެވެ.

www.ices.mnu.edu.mv

މި ކޮންފަރަންސް ކުރިއަށްގެންދިޔުމަށް ހަމަޖެހިފައިވަނީ އޮކްޓޫބަރ މަހުގެ 1 އަދި 2 ވަނަ ދުވަހުގައި، ދިވެހި ރާއްޖޭގެ ޤައުމީ ޔުނިވާސިޓީގައެވެ.

އިންޓަރނޭޝަނަލް ކޮންފަރަންސް: އިންޖީނިއަރިންގ، ސައިންސް އެންޑް ޓްކްނޮލޮޖީ ފޮރ ސަސްޓެއިނަބަލް ޑިވެލޮޕްމަންޓް 2025 (އައި.ސީ.އީ.އެސް.ޓީ)އާއި ގުޅޭ އިތުރު މަޢުލުމާތު ހޯދުމަށް [email protected] އަށް އީ-މެއިލް ކުރުމުގެ ފުރުޞަތު ވަނީ ހުޅުވާލެވިފައެވެ.