މަދަރުސާތަކުގެ ދަރިވަރުން ދާރުލްއާސާރަށް ޒިޔާރަތްކުރުމަކީ އަޅުގަނޑުމެން ވަރަށް ތަރުޙީބުދޭ ކަމެއް. މުނީޒާ

ދާރުލްއާސާރުން ލިބިދޭ ދިވެހީންގެ އަސްލުތަކާ ގުޅޭ ވާހަކަތަކަށް އަހުލުވެރިވުމާއި، އެ ކަމަށް ޓަކައި ސްކޫލް މަދަރުސާތަކުގެ ދަރިވަރުން ވީހާ ވެސް ގިނައިން ދާރުލްއާސާރަށް ޒިޔާރަތްކުރުމަކީ ވަރަށް އެދޭ ކަމެއްކަމަށް ދާރުލްއާސާރުގެ ޑިރެކްޓަރ ޢާއިޝަތު މުނީޒާ ވިދާޅުވެއްޖެ އެވެ.

ބައިނަލްއަޤުވާމީ ދާރުލްއާސާރު ދުވަހުގެ މުނާސަބަތުގައި ދެއްވި ޚާއްސަ ބަސްދީގަތުމެއްގައި މުނީޒާ ވިދާޅުވީ، އަދުގެ ޖީލަށް ކުރީގެ ވާހަކަތައް ކިޔައިދިނުމަކީ މުހިންމު ކަމެއް ކަމަށް ވާ އިރު, ދާރުލްއާސާރަށް މަދަރުސާތަކުން ދަރިވަރުން ޒިޔާރަތްކުރުމަކީ އެ މަރުކަޒުން ހިތްވަރުދޭ ކަމެއް ކަމަށެވެ. އެގޮތުން ދުވަހުގެ މުނާސަބަތުގައި ސަލާޙުއްދީން ސްކޫލްގެ ގުރޭޑު 4 ގެ ސައިންސާއި އިޖްތިމާޢީ ޢިލްމްގެ ދަރިވަރުން ވަނީ ދާރުލްއާސާރަށް ޒިޔާރަތްކޮށް އާސާރީ ތަކެއްޗާ ބެހޭ ގޮތުން މައުލޫމާތު ސާފުކޮށްފައެވެ.

"ދުވަހުގެ މުނާސަބަތުގައި އެކަނިވެސް 392 ދަރިވަރުން ދާރުލްއާސާރަށް ގެނެސް ދިވެހިންގެ ތާރީޚާ ބެހޭ މައުލޫމާތު އަޅުގަނޑުމެން މިވަނީ ދީފައި. އުންމީދަކީ މިތަނުގައި ހުރި ދިވެހިންގެ މާޒީއަށް ދިވެހިން ލޯބި ޖެހި, މި ތާރީޚް ދިރުވުމުގެ ޝައުޤެއް އުފެއްދުން." ޑިރެކްޓަރ މުނީޒާ ވިދާޅުވިއެވެ.

މީގެ އިތުރަށް ހަމަ އެ ސްކޫލްގެ ދަރިވަރުން ހޯމަ ދުވަހު ވެސް ޒިޔާރަތްކުރުމަށް ވަނީ ހަމަޖެހިފަ މއެވެ.

1952 ވަނަ އަހަރުން ފެށިގެން ރާއްޖޭގައި އުފެއްދި ދާރުލްއާސާރަކީ ރާއްޖޭގެ އެކި ސަރަހައްދުތަކުން އެއްކުރެވިފައިވާ އާސާރުތަކެވެ. އޭގެ ތެރޭގައި ގިނައީ ރާއްޖޭގެ ތާރީޚުގެ މެދު ޒަމާނަށްވާ ދު ވަސްވަރުގެ ތަކެއްޗެވެ. ރާއްޖެ އިސްލާމްވުމުގެ ފަހުން އެކި ދައުރުތަކުގައި ތަޚުތު ފަޅުފިލުއްވެވި ރަސްރަސްކަލުންނާ ގުޅިފައިވާ ތަކެއްޗެވެ. އޭގެ ތެރެއިން ގިނަ ތަކެތި މިހާރު ވެސް ދާރުލްއާސާރުން ފެންނަން އެބަހުއްޓެވެ.

އޭގެ ފަހުން ތަފާތު އެކި ފަހަރުމަތިން މަރާމާތުކޮށް މިހާރު ފެންނަން މިހުރި ދާރުލްއާސާރުގެ އިމާރާތް ރަސްމީކޮށް ހުޅުވާފައި ވަނީ 2020 ވަނަ އަހަރުގަ އެވެ. ދާރުލްއާސާރަކީ ރާއްޖޭގެ އޭރާއި މިހާރުގެ ތަރައްޤީއާއި އަދުގެ ސަރުކާރުގެ މުސްތަޤުބަދަލުގެ ތަޞައްވުރަށް ބަލާއިރު، އިތުރު ކުރިއެރުމާއި ޒަމާނީ ފަންނިއްޔާތަށް ބޭނުންވެފައިވާ ބިނާއެކެވެ.