މިނިސްޓަރ ޑރ. ޢަބްދުالله މުއްޠަލިބް, ބިލެތްދޫ ދާއިރާގެ މެންބަރު އަޙްމަދު އަސްލަމްއާއި ފ. ބިލެތްދޫ ކައުންސިލާއި ބައްދަލުކުރައްވައިފި

މިނިސްޓަރ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ ޑރ. ޢަބްދުﷲ މުއްޠަލިބް، މިނިސްޓްރީގެ ޓެކްނިކަލް ޓީމާއެކު ބިލެތްދޫ ދާއިރާގެ މެންބަރު އަޙްމަދު އަސްލަމްއާއި ފ. ބިލެތްދޫ ކައުންސިލާއި ބައްދަލުކުރައްވައިފިއެވެ. މި ބައްދަލުވުން ބޭއްވުނީ މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރގައެވެ. މި ބައްދަލުވުމުގައި މައިގަނޑު ގޮތެއްގައި މަޝްވަރާކުރެވުނީ ފ. ބިލެތްދޫގެ ބިން ހިއްކުމާއި ބަނދަރުގެ މަޝްރޫޢުތަކާއި ގުޅޭގޮތުންނެވެ. މި ދެ މަޝްރޫޢަކީ ރަށުގެ ތަރައްޤީއަށް ވަރަށް މުހިންމު ދެ މަޝްރޫޢު ކަމަށް ވާތީ، މި މަޝްރޫޢުތައް ކުރިއަށް ގެންދިއުމުގައި ދިމާވެފައިވާ ގޮންޖެހުންތައް ދެނެގަނެ، އަވަސް މުސްތަޤުބަލެއްގައި މި މަސައްކަތްތައް ކުރިއަށް ގެންދިއުމަށްޓަކައި އަޅަންޖެހޭ ފިޔަވަޅުތަކާއި ބެހޭގޮތުން ވަނީ މަޝްވަރާކުރެވިފައެވެ. ބިލެތްދޫ ދާއިރާގެ މެންބަރު އަޙްމަދު އަސްލަމް އިތުރަށް ވިދާޅުވީ މި މަޝްރޫޢުތަކަކީ ރަށުގެ ރައްޔިތުން ވަރަށް ބޮޑަށް އެދޭ މަޝްރޫޢުތަކެއް ކަމަށާއި، މި މަޝްރޫޢުތައް ނިމޭނެ ދުވަހެއްގެ އިންތިޒާރުގައި އެތައްބަޔަކު ތިބިކަމަށެވެ. މި ބައްދަލުވުމުގައި މަޝްރޫޢުތަކާއި ގުޅޭ އިތުރު ތަފްސީލުތައް ދެފަރާތުންވެސްވަނީ ހިއްސާކުރައްވަމުންގެންދަވާނެ ކަމަށް ވިދާޅުވެފައެވެ.