ވަޒީރު، އައިލެންޑް ބެވެރަޖްސް މޯލްޑިވްސްގެ މެނޭޖިންގ ޑިރެކްޓަރާއި ބައްދަލު ކުރައްވައިފި

އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު، އައިލެންޑް ބެވެރަޖްސް މޯލްޑިވްސްގެ މެނޭޖިންގ ޑިރެކްޓަރ މުޙައްމަދު ޖިނާން ޖަލީލާއި ބައްދަލުކުރައްވައިފިއެވެ.

އިސްލާމީ ކަންތައްތަކާ ބެހޭ ވުޒާރާގައި ކުރިއަށް ދިޔަ މި ބައްދަލުކުރެއްވުމުގައި މައިގަނޑު ގޮތެއްގައި މަޝްވަރާ ކުރައްވާފައިވަނީ މާލެ ސިޓީގެ މިސްކިތްތަކުން ބޯފެން ލިބޭނެ އިންތިޒާމް ހަމަޖެއްސުމާއި ގުޅޭ ގޮތުންނެވެ. މީގެ އިތުރުން ވުޒާރާއާއި އެ ކުންފުންޏާއި ގުޅިގެން ކުރިއަށް އޮތްތަނުގައި ކުރެވިދާނެ ކަންކަމާއި ގުޅޭ ގޮތުންވެސް މަޝްވަރާ ކުރައްވާފައިވެއެވެ.

މި ބައްދަލުކުރެއްވުމުގައި ވުޒާރާގެ އިސްވެރިންނާއި އެ ކުންފުނީގެ އިސްވެރިން ވަނީ ބައިވެރިވެލައްވާފައިވެއެވެ.