މިނިސްޓްރީ އޮފް އެގްރިކަލްޗަރ އާއި ހދ. ނޭކުރެންދޫ ކައުންސިލް އިސްވެރިން ބައްދަލުކޮށްފި

މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރގެ ސްޓޭޓް މިނިސްޓަރ މަރިޔަމް ވިޝާމާ އާއި މިނިސްޓްރީގެ އިސް ބޭފުޅުން، ހދ. ނޭކުރެންދޫ ކައުންސިލްގެ އިސްވެރިންނާއެކު މިއަދު ބައްދަލުވުމެއް ބާއްވައިފިއެވެ. މި ބައްދަލުވުން ބޭއްވީ ދަނޑުވެރިކަމުގެ ދާއިރާ އިތުރަށް ހަރުދަނާ ކުރުމާއި ގުޅޭގޮތުން މަޝްވަރާކުރުމަށެވެ.

ދަނޑުވެރިކަން ކުރިޔަށް ގެންދިޔުމުގައި ދިމާވެފައިވާ ގޮންޖެހުންތަކާއި، އެ ގޮންޖެހުންތަކަށް ޙައްލު ހޯދުމަށް އެޅިދާނެ ފިޔަވަޅުތަކާ ގުޅޭގޮތުން މިބައްދަލުވުމުގައި މަޝްވަރާކުރިއެވެ. މީގެ އިތުރުން، ނޭކުރެންދޫގެ ދަނޑުވެރިކަމުގެ ޙާލަތާއި، އެ ރަށުގައި ދަނޑުވެރިކަން ކުރިއެރުވުމަށް ކުރެވިދާނެ ކަންކަމާ ބެހޭގޮތުންވެސް މައުލޫމާތު ބަދަލުކުރިއެވެ.

ސްޓޭޓް މިނިސްޓަރ މަރިޔަމް ވިޝާމާ ވިދާޅުވީ، "ރާއްޖޭގެ ރަށްރަށުގައި ދަނޑުވެރިކަން ތަރައްޤީކޮށް ކުރިއެރުވުމަކީ ސަރުކާރުގެ އިސް އަމާޒެއް ކަމަށާއި، މިކަމަށްޓަކައި ރަށު ކައުންސިލްތަކާއެކު ގާތުން މަސައްކަތްކުރުމަކީ ވަރަށް މުހިންމު ކަމެއް" ކަމުގައެވެ.