މަޝްވަރާކުރެވުނު ކަންކަމުގައި ވޭމަންޑޫ ކައުންސިލަށް އެއްބާރުލުން ދެއްވާނެ ކަމުގެ ޔަޤީކަން ވަޒީރުދެއްވައިފި

މިއަދު ހެނދުނު ސިޓީސް މިނިސްޓްރީގައި ބޭއްވި ބައްދަލުވުމުގައި ވަޒީރާ ބައްދަލުކުރައްވާ ކޮޅުމަޑުލު ވޭމަންޑޫ ކައުންސިލުން މަޝްވަރާކުރެއްވި ކަންކަމުގައި އެއްބާރުލުން ދެއްވާނެކަމުގެ ޔަޤީންކަން ވަޒީރު އާދަމް ޝަރީފު ޢުމަރު ދެއްވައިފިއެވެ.

ވޭމަންޑޫ ކައުންސިލުގެ މެންބަރުންނާ ބައްދަލުކުރެއްވުމަށް ވަޒީރު އާދަމް ޝަރީފު ޢުމަރު މިއަދު ބޭއްވި ބައްދަލުވުމުގައި ދެއްކެވި ވާހަކަފުޅުގައި، ރަށުގެ ކަންކަން ނިންމުމުގައި ރައްޔިތުންގެ ޚިޔާލާއި މަޝްވަރާ ހޯއްދެވުމަށް އިލްތިމާސްކުރެއްވިއެވެ. އަދި ވަކި ގޮތަކަށް ނިންމާފައިވާ ކަންކަން ވެސް ރައްޔިތުންގެ ޚިޔާލާ މަޝްވަރާގެ ތެރޭން ބަދަލުކުރެވިދާނެކަމަށް ވެސް ވަޒީރު ވިދާޅުވިއެވެ.

ރަށުގެ ކަންކަމާ ބެހޭ ގޮތުން މަޝްވަރާކުރުމަށް ބޭއްވި މި ބައްދަލުވުމުގައި ކައުންސިލު ޢިމާރާތުގެ ޙާލަތާއި، ކުއްޔަށްދޭ ބިންތަކުގެ އަގަށް ބަދަލުގެނައުމާއި، މަގުހެދުމާ، ބަނދަރުގެ ޖާގަ ތަނަވަސްކުރުމާއި، ބިން ހިއްކުން ފަދަ ކަންކަމާ ބެހޭ ގޮތުން ޚިޔާލުބަދަލުކުރެވި މަޝްވަރާކުރެވިފައި ވެއެވެ.

ވޭމަންޑޫ ކައުންސިލުގެ މެންބަރުންނާ ބައްދަލުކުރެއްވުމަށް ވަޒީރު ބޭއްވި މި ބައްދަލުވުމުގައި ރައްޔިތުންގެ މަޖިލީހުގެ ތިމަފުށީ ދާއިރާގެ ޢިއްޒަތްތެރި މެންބަރާއި، ވޭމަންޑޫ ހިމެނޭ ކުލަސްޓަރ ހިންގެވުމާއި ޙަވާލުވެ ހުންނެވި ސްޓޭޓް މިނިސްޓަރ އަޙްމަދު ރަޝީދާއި، ތ. އަތޮޅު ކޯޑިނޭޓަރ ބައިވެރިވެލެއްވިއެވެ.