އިންޑިއާގެ އެކި ކުންފުނިތަކުން އުފައްދާފައިވާ 48 ޕްރޮޑަކްޓަކުން ކޮލިޓީގެ މައްސަލަތަކެއް ފާހަގަ ކުރެވިގެން ނެރުނު ލިސްޓުގައި ހިމެނޭ އެއްވެސް ބޭހެއް ރާއްޖޭގައި ނެތްކަން ކަށަވަރުކުރެވިފައިވާ ކަމަށް މޯލްޑިވްސް ފުޑް އެންޑް ޑްރަގް އޮތޯރިޓީން ބުނެފިއެވެ.
އިންޑިއާގެ އެކި ކުންފުނިތަކުން އުފައްދާފައިވާ 48 ޕްރޮޑަކްޓަކުން ކޮލިޓީގެ މައްސަލަތަކެއް ފާހަގަ ކުރެވިގެން ރާއްޖޭގެ މާކެޓުގައި މިލިސްޓުގައި ހިމެނޭ އެއްވެސް ބޭހެއް ނެތް ކަން ވަނީ ކަށަވަރުވެފައެވެ.އިންޑިއާގެ އެކި ކުންފުނިތަކުން އުފައްދާފައިވާ 48 ޕްރޮޑަކްޓަކުން ކޮލިޓީގެ މައްސަލަތަކެއް ފާހަގަކުރެވިފައިވާތީ، އިންޑީއާގެ ބޭސް ރެގިއުލޭޓް ކުރާ މައި އިދާރާ CDSCO އިން ވަނީ އެލާޓް ކޮށްފައެވެ.
މިއެލާޓާއި ގުޅިގެން ރާއްޖޭގެ މާކެޓްތަކުގައި އަދި އެޕްރޫވްޑް ޑްރަގް ލިސްޓުގައި މި ބޭސްތައް ހިމެނޭތޯ ބެލުމަށް އެމްއެފްޑީއޭ އިން ގިނަ މަސައްކަތްތަކެއްކޮށް މާކެޓް އިވެލުއޭޝަނެއް ވަނީ ހަދާފައެވެ. މިގޮތަށް ބެލިބެލުމުން މިލިސްޓްގެ 44 ވަނައިގައިވާ ބޭހަކީ އެޕްރޫވްޑް ޑްރަގް ލިސްޓުގައި 2017 ވަނަ އަހަރު ހިމަނާފައިވާ ބޭހެއްކަމާއި، ނަމަވެސް 2018 ވަނަ އަހަރުން ފެށިގެން މި ބޭހުގެ އެއްވެސް ބެޗެއް ރާއްޖެ އެތެރެކޮށްފައި ނުވާކަން ޔަގީން ކުރެވިފައިވާ ކަމަށް އެމްއެފްޑިއޭއިން މައުލޫމާތު ދެ އެވެ.
އަދި CDSCO ގެ ލިސްޓުގައި ހިމެނޭ އެއްވެސް ބޭހެއްގެ އެއްވެސް ބެޗެއް، ބޭސް އިމްޕޯޓް ކުރުމަށް ކަނޑައަޅާފައިވާ އެއްވެސް އުސޫލެއްގެ ދަށުން، ރާއްޖެ އެތެރެކޮށްފައި ނުވާކަން ޔަގީންކުރެވިފައިވާ ކަމަށްވެސް އެމްއެފްޑީއޭ އިން މައުލޫމާތު ދެއެވެ.
އިންޑިއާ އަކީ ގިނަ ދިވެހީން ބޭސް ފަރުވާއަށް ގޮސް އުޅޭ ގައުމަކަށްވެފައި ބައެއް ހާލަތްތަކުގައި އަމިއްލަ ބޭނުމަށް އިންޑިއާއިން ބޭސް އެތެރެކުރާތީ މިކަމަށް ހާއްސަ ސަމާލުކަމެއް ދިނުމަށްވެސް އެމްއެފްޑިއޭ އިން އިލްތިމާސްކުރެއެވެ.އަދި ރައްކާތެރިކަމުގެ ފިޔަވަޅެއްގެ ގޮތުން ރާއްޖެއަށް ބޭސް އިމްޕޯޓްކުރާ ޕޯޓުތަކުގެ އިންސްޕެކްޝަންތައް އިތުރަށް ވަރުގަދަކޮށްފައިވާކަންވެސް އެމްއެފްޑިއޭއިން ބުނެ އެވެ.