ރޯދަ މަހު "ހެޕިނަސް ލައުންޖް"ގެ ހިދުމަތް ދޭނީ ރޭގަނޑު!

މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްސްއިން ޒުވާނުންގެ ދުޅަހެޔޮކަމަށް އަމާޒުކޮށްގެން ފެށި "ޔޫތު ވެލްނެސް ލައުންޖް"ގެ ހިދުމަތް މި ރަމަޟާން މަހު ދިނުމަށް ހަމަޖެހިފައިވަނީ ރޭގަނޑުގެ ވަގުތުގައެވެ.

މި ހިދުމަތް ކޮންމެ އާދިއްތަ ދުވަހަކު ރޭގަނޑު 09:00އިން 10:00އަށް ޔޫތު ހަބުން ލިބިގެންދާނެއެވެ.

މި ޚިދުމަތުގެ ދަށުން ވަކިވަކި ފަރުދުންނަށް ސިއްހީ ސްކްރީނިން އާއި، އަމިއްލަ ކޮންސަލްޓޭޝަން އަދި ސިއްހަތާ ގުޅޭ މައުލޫމާތު ދިނުމުގެ ސެޝަންތައް ހިމެނެއެވެ.

ޚިދުމަތް ހޯދުމަށް ބޭނުންވާ ފަރާތްތަކަށް 4000505 ނަންބަރަށް ގުޅައިގެން ނުވަތަ ހިދުމަތް ދޭ ގަޑިތަކުގައި ޔޫތު ހަބަށް ޒިޔާރަތްކޮށްގެން ހިދުމަތް ލިބިގަނެވޭނެއެވެ.