2026 ޖެނުވަރީ މަހު މި ވުޒާރާއަށް ހުށަހަޅާފައިވާ ކުދިންގެ އަޚްލާގީ މައްސަލަތަކުގެ ތަފާސް ހިސާބު

2026 ވަނަ އަހަރުގެ ޖެނުވަރީ މަހު އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއަށް ކުޑަކުދިންގެ އަޚްލާގީ މައްސަލަތަކާ ގުޅޭ 21 މައްސަލައެއް ރިޕޯޓުކޮށްފައިވެއެވެ.

މި ބާވަތުގެ މައްސަލަތަކުގެ ތެރެއިން އެންމެ ގިނައިން ރިޕޯޓުކޮށްފައިވަނީ ސްކޫލަށް ދާން ބޭނުން ނުވުމުގެ މައްސަލަތަކެވެ. އެގޮތުން ސްކޫލަށް ދާން ބޭނުން ނުވުމުގެ 10 މައްސަލައެއްވަނީ ރިޕޯޓުކޮށްފައެވެ. އޭގެ ތެރޭގައި ހިމެނެނީ ފިރިހެން ކުދިންނާއި ގުޅޭ 08 މައްސަލައަކާއި އަންހެން ކުދިންނާއި ގުޅޭ 02 މައްސަލައެކެވެ.

ހަމައެހެންމެ، ގެއިން ނިކުމެގެން ދިއުމުގެ 02 މައްސަލަ އާއި ރުޅި އިސްކުރުމާއި ރުޅިގަދަވެގެން އުޅުމުގެ 01 މައްސަލަ ވެސް ޖެނުވަރީ މަހު ރިޕޯޓްކޮށްފައިވެއެވެ. މީގެ އިތުރުން، އެހެނިހެން މައްސަލަތަކުގެ 08 މައްސަލަ ހިމެނެއެވެ.

ކުދިންގެ އަޚްލާގީ މައްސަލަތަކާއި ގުޅިގެން ޖެނުވަރީ މަހު މި ވުޒާރާއަށް އެންމެ ގިނައިން ރިޕޯޓްކޮށްފައިވަނީ ފިރިހެން ކުދިންގެ މައްސަލައެވެ. އެގޮތުން ހިމެނެނީ، ފިރިހެން ކުދިންގެ 15 މައްސަލައަކާއި އަންހެން ކުދިންގެ 06 މައްސަލައެކެވެ.