މަދަނީ ބައިވެރިވުމާ ގުޅޭގޮތުން މަޝްވަރާކުރުމުގެ ފުރުސަތު ހުޅުވާލައިފި

މަދަނީ ކަންކަމުގައި ޒުވާނުންގެ ދައުރު ފުޅާކުރުމާއި، މުޖުތަމައުގެ ކަންކަމުގައި އަމަލީގޮތުން ބައިވެރިވުމާ ގުޅޭގޮތުން މަޝްވަރާކުރުމަށް ބާއްވާ "ޒުވާނުންގެ ސައްލާ" ގައި ބައިވެރިވުމުގެ ފުރުސަތު ހުޅުވާލައިފިއެވެ.

މި ޑައިލޮގް ސެޝަން އޮންނާނީ 4 މާރިޗު 2026 ވާ ބުދަ ދުވަހުގެ ރޭ 21:00 ގައި ޔޫތު ހަބްގައެވެ.

މި ބައްދަލުވުމުގެ މައިގަނޑު މަގްސަދަކީ ޒުވާނުންގެ މެދުގައި އޮންނަ ގުޅުން ބަދަހިކުރުމާއި، ގައުމީ އަދި އިޖުތިމާއީ ކަންކަމުގައި ޒުވާނުންގެ ހިޔާލާއި މަޝްވަރާ ހޯދުމެވެ.

މި ސައްލާގައި ބައިވެރިވާން އެދޭ ޒުވާނުންނަށް މިހާރު ވަނީ ރަޖިސްޓްރީވުމުގެ ފުރުސަތު ހުޅުވާލާފައެވެ. ބައިވެރިވުމަށް ޝައުގުވެރިވާ ފަރާތްތަކުން އެކަމަށް ހާއްސަކޮށްފައިވާ ކިއުއާރް ކޯޑު ސްކޭންކޮށްގެން ރަޖިސްޓްރީ ކުރެއްވޭނެއެވެ.