ހަނިމާދޫ އެގްރިކަލްޗަރ ސެންޓަރ (ހެކް) ފެސިލިޓީ އިމާރާތް ކޮށްދޭނެ ފަރާތެއް ހޯދަން އިއުލާންކޮށްފި

ޑިޒައިން އެންޑް ބިލްޑް އުސޫލުން ހަނިމާދޫ އެގްރިކަލްޗަރ ސެންޓަރ (ހެކް) ފެސިލިޓީ އިމާރާތް ކުރުމުގެ މަސައްކަތް ކޮށްދޭނެ ފަރާތެއް ހޯދުމަށް އިއުލާން ކޮށްފި އެވެ.

މި ފެސިލިޓީ އަކީ ދިވެހި ސަރުކާރުން އޭޝިއަން ޑިވެލޮޕްމަންޓް ބޭންކް (އޭ.ޑީ.ބީ)ގެ އެހީގައި ހިންގަމުންދާ އެންހޭންސިން ކްލައިމެޓް ރެސިލިއަންސް އެންޑް ފުޑް ސެކިއުރިޓީ ޕްރޮޖެކްޓްގެ ދަށުން ޑިޒައިން އެންޑް ބިލްޑް އުސޫލުން ގާއިމްކުރާ ފެސިލިޓީއެކެވެ.

އެގޮތުން މިނިސްޓްރީ އޮފް ފިނޭންސް އެންޑް ޕްލޭނިންގ އިން ކުރި އިއުލާނެއްގައި ބުނެފައި ވަނީ، މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓުގެ ބޭނުމަށް ޑިޒައިން އެންޑް ބިލްޑް އުސޫލުން ހަނިމާދޫ އެގްރިކަލްޗަރ ސެންޓަރ (ހެކް) ފެސިލިޓީ އިމާރާތް ކުރުމުގެ މަސައްކަތަށް ބީލަން ހުށަހެޅުމުގެ ފުރަސަތު ޝަރުޠުހަމަވާ ހުރިހާ ފަރާތްތަކަށް ވަނީ ހުޅުވާލާފައެވެ.

މި ބީލަން ކުރިއަށްގެންދިއުމަށް ނިންމާފައި ވަނީ، މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ "ޢިމާރާތްކުރުމުގެ ޢަމަލީ މަސައްކަތްކުރާފަރާތްތަކުގެ ގަވާއިދު" އާއި އުސޫލުތަކާއި، މިނިސްޓްރީ އޮފް އިކޮނޮމިކް ޑެވެލޮޕްމަންޓު އެންޑް ޓްރޭޑުގެ " ފޮރިން ޑައިރެކްޓް އިންވެސްޓްމަންޓް ޕޮލިސީ" އާއި އެއްގޮތަށެވެ.

މި ޕްރޮޖެކްޓަކީ އޯޕަން ކޮމްޕެޓިޓިވް ބިޑިންގ (އޯ.ސީ.ބީ) އުސޫލުގެ މަތިން، ސިންގަލް ސްޓޭޖް ޓޫ އެންވެލޮޕް އުސޫލުން ބީލަންކުރުމަށް ހަމަޖެހިފައިވާ ޕްރޮޖެކްޓެއްކަމުން، ބިޑަށް ޝަރުތު ހަމަވާނީ، ފާއިތުވި 3 އަހަރު ކުންފުނީގެ މާލީ ތަނަވަސްކަމުގެ ގޮތުގައި އެވްރޭޖްކޮށް 2,500,000.00 ޔޫ.އެސް ޑޮލަރުލިބިފައިވާއި ފަރާތްތަކާއި، ފާއިތުވި 5 އަހަރު ތެރޭގައި މިބާވަތުގެ 2 މަސައްކަތްކޮށް، އަދި މަސައްކަތުގެ އަގު މަދުވެގެން 1,500,000.00 ޔޫ.އެސް ޑޮލަރު ޖެހިފައިވާ ފަރާތްތަކަށެވެ.

އަދި އެއްގޮތް މަސައްކަތް ކަމަށް ބަލާނީ، އެއް ކޮންޓްރެކްޓެއްގެ ދަށުން އިމާރާތް ފަރުމާކުރުމާއި، އިމާރާތްކުރުމާއި، އަދި ޔުޓިލިޓީޒް އާއި އެހެނިހެން ހިދުމަތްތައް ގާއިމުކުރުން ހިމެނޭ މަސައްކަތަށް ކަމަށްވެސް ބުނެފައިވެއެވެ.

--------

ބީލަމުގައި ބައިވެރިވާ ފަރާތްތަކުގައި ހުންނަން ޖެހޭ ހުރިހާ ޝަރުޠުތައް ބިޑިންގް ޑޮކިއުމަންޓްގައި ވަނީ ބަޔާންކޮށްފައި:

(Project Number: TES/2026/W-004)

ނަންބަރު: (IUL)13-K/13/2026/3