ބަޔޯސެކިއުރިޓީ ފޯ އިމްޕޯޓް އެންޑް އެކްސްޕޯޓް އޮފް ޕްލާންޓް ޕްރޮޑަކްޓްސް އިންޓު ދަ މޯލްޑިވްސްގެ ނަމުގައި ތަމްރީނު ޕްރޮގްރާމެއް ފަށައިފި

'ވޯކްޝޮޕް އޮން ބަޔޯސެކިއުރިޓީ ފޯ އިމްޕޯޓް އެންޑް އެކްސްޕޯޓް އޮފް ޕްލާންޓް ޕްރޮޑަކްޓްސް އިންޓު ދަ މޯލްޑިވްސް" ގެ ނަމުގައި ތަމްރީނު ޕްރޮގްރާމެއް މިއަދު ފަށައިފިއެވެ.

މިއީ މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް އިން ވޯލްޑް ބޭންކުގެ އެހީގައި ކުރިއަށް ގެންދާ މޯލްޑިވްސް – ޓްރާންސްފޯމިންގ ފިޝަރީޒް ސެކްޓަރ މެނޭޖްމަންޓް އިން ދި ސައުތު ވެސްޓް އިންޑިއަން އޯޝަން ރީޖަން އެންޑް މޯލްޑިވްސް ޕްރޮޖެކްޓް (ޓްރާންސްފޯމް) ގެ ދަށުން ކުރިއަށް ގެންދާ ތަމްރީން ޕްރޮގްރާމެކެވެ.

މި ތަމްރީން ޕްރޮގްރާމް ކުރިއަށްދާނީ މި މަހުގެ 25 އިން 29 އަށް މީރުމާގައެވެ.

މި ވޯކްޝޮޕްގެ މައިގަނޑު މަޤްޞަދަކީ އިންސްޓިޓިއުޝަނަލް ކެޕޭސިޓީ އިތުރުކުރުމާއި، ބޯޑަރ އަދި ރެގިއުލޭޓަރީ އޭޖެންސީތަކުގެ މެދުގައި ގުޅުން ބަދަހިކުރުމާއި، ޓްރާންސްބައުންޑަރީ މޫވްމަންޓްސް ކޮންޓްރޯލް ކުރުން ހަރުދަނާކުރުމެވެ. އަދި ހަމައެއާއެކު، މި ތަމްރީނުގައި ސަރަހައްދީ އަދި ބައިނަލްއަޤުވާމީ ބެސްޓް ޕްރެކްޓިސްތަކާ އެއްގޮތްވާ ގޮތުގެމަތިން ބޯޑަރު ކޮންޓްރޯލް ކުރުމާއި މިޓިގޭޝަން ފިޔަވަޅުތަކަށް އަލިއަޅުވާލާނެއެވެ.

މި ޕްރޮގްރާމްގެ ފުރަތަމަ ދުވަސް އަމާޒުކުރަނީ މަލްޓިސްޓޭކްހޯލްޑަރ ވޯކްޝޮޕް އޮން ބަޔޯ ސެކިއުރިޓީއާ ބެހޭ ތަމްރީނު ދިނުމަށް އަދި ދެވަނަ ދުވަހުން ފެށިގެން ފަސްވަނަ ދުވަހާ ހަމައަށް އަމާޒުކުރަނީ ޕެސްޓް ރިސްކް އެސެސްމަންޓް، ޑިޒީޒް ސަރވެއިލެންސް އަދި ހެލްތު ސެޓިފިކޭޝަން ސިސްޓަމްސް އާ ގުޅޭ ޓެކްނިކަލް ތަމްރީނުތައް ދިނުމަށެވެ.

މި ވޯކްޝޮޕްގައި ބަޔޯ ސެކިއުރިޓީ ރެގިއުލޭޝަން، ބޯޑަރ ކޮންޓްރޯލް، ސަރވެއިލެންސް އަދި ޕަބްލިކް ހެލްތުގެ ދާއިރާގައި ހަރަކާތްތެރިވާ އިސް ފަރާތްތަކުން ބައިވެރިވެ ވަޑައިގަންނަވާނެއެވެ. މިގޮތުން މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ، މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް، މޯލްޑިވްސް ކަސްޓަމްސް ސަރވިސް، މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓް (އެންވަޔަރަންމަންޓަލް ރެގިއުލޭޝަން އޮތޯރިޓީ – އީ.އާރް.އޭ)، މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމް.އޭ.ސީ.އެލް)، މޯލްޑިވްސް ޕޯޓްސް ލިމިޓެޑް (އެމް.ޕީ.އެލް)، މޯލްޑިވްސް ފުޑް އެންޑް ޑްރަގް އޮތޯރިޓީ (އެމް.އެފް.ޑީ.އޭ) އަދި ހެލްތް ޕްރޮޓެކްޝަން އެޖެންސީ (އެޗްޕީއޭ) ބައިވެރިވެ ވަޑައިގަންނަވާނެއެވެ.