މަސްދޯނި ފަހަރުން މިފްކޯއަށް ކިރުވި މަހުގެ ރިޕޯޓް

މަސްދޯނިފަހަރުން 17 ޖަނަވަރީ 2026 ގައި މިފްކޯއަށް ކިރުވި މަހުގެ ފައިސާ 19 ޖަނަވަރީ 2026 ވަނަ ދުވަހު ވަނީ ދޯނިތަކަށް ޖަމާކޮށްފައެވެ.

މިފްކޯއިން ހާމަކޮށްފައިވާ ތަފާސްހިސާބުތަކަށް ބަލާއިރު، މި ފައިސާ މަސްވެރިންގެ އެކައުންޓުތަކަށް ޖަމާކޮށްފައިވަނީ 19 ޖަނަވަރީ 2026 ވީ ހޯމަ ދުވަހުއެވެ. އެގޮތުން ޖުމްލަ 37 ދޯންޏަކުން ކިރުވި މަހަށް 1,295,488.71 (އެއް މިލިއަން ދެލައްކަ ނުވަދިހަ ފަސްހާސް ހަތަރުސަތޭކަ އަށްޑިހަ އަށް ރުފިޔާ ހަތްދިހަ އެއްލާރި) ވަނީ ދޫކޮށްފައެވެ.

ފައިސާ ދޫކުރެވުނު ގޮތުގެ ތަފްސީލަށް ބަލާއިރު:

• ކަޅުބިލަމަސް: 32 މަސްދޯންޏަކުން ކިރުވި މަހަށްވާ 1,210,013.71 ރުފިޔާ ވަނީ ދޫކޮށްފައެވެ.

• ކަންނެލި (15 ކިލޯއިން މަތި): 5 މަސްދޯންޏަކުން ކިރުވި މަހަށްވާ 85,475.00 ރުފިޔާ ވަނީ ދޫކޮށްފައެވެ.

މަސްވެރިން ބާނާ މަހަށް 48 ގަޑިއިރުގެ ތެރޭގައި ފައިސާ ދޫކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ނުހަނު އިސްކަމެއް ދެއްވައިގެން ކުރިއަށްގެންދަވާ މުހިންމު ސިޔާސަތެކެވެ.