ވިލިމާލޭ އިންޑަސްޓްރިއަލް ޒޯނުގައި ހުރި ކުނިތަކެއްގައި ރޯވި އަލިފާން، ވިލިމާލޭ ފަޔަރ ސްޓޭޝަނުން ނިއްވާލައިފި

ވިލިމާލޭ އިންޑަސްޓްރިއަލް ޒޯނުގައި ހުރި ކުނިތަކެއްގައި ރޯވި އަލިފާން، ވިލިމާލޭ ފަޔަރ ސްޓޭޝަނުގެ ފަޔަރ ފައިޓަރުން ހަރަކާތްތެރިވެ ނިއްވާލައިފިއެވެ.

މި ހާދިސާގެ ރިޕޯޓް ރޭ 04:15 ހާއިރު ލިބުމާ އެކު، އެ ފަޔަރ ސްޓޭޝަނުގެ ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައެވެ. މިގޮތުން، ފަޔަރ ފައިޓަރުން ކުރި މަސައްކަތުން އަލިފާން ނިއްވާލެވުނީ ރޭ ފަތިހު 05:10 ހާއިރުއެވެ.

މި ހާދިސާގައި އެއްވެސް މީހަކަށް އަނިޔާއެއް ލިބުނުކަމުގެ ރިޕޯޓު ލިބިފައެއް ނުވެއެވެ.