ވަޒީރު އަޙްމަދު ޝިޔާމް ހޮންގްޑޮންގް ފިޝަރީޒްއަށް ޒިޔާރަތްކުރައްވައިފި

ވަޒީރު އަޙްމަދު ޝިޔާމް، މިނިސްޓްރީގެ އިސް އޮފިޝަލުންގެ ވަފުދަކާއެކު، ހޮންގްޑޮންގް ފިޝަރީޒްއަށް ޒިޔާރަތްކުރައްވައިފިއެވެ. މި ޒިޔާރަތުގައި ވަޒީރު ޝިޔާމާއި އެ މަނިކުފާނުގެ ވަފުދުން ވަނީ އެ ކުންފުނީގެ އިސްވެރިންނާ ބައްދަލުކުރައްވައި، ދިވެހިރާއްޖޭގައި ކުރެވިދާނެ އިންވެސްޓްމަންޓްތަކާއި މުސްތަޤުބަލުގެ އެއްބާރުލުމާ މެދު މަޝްވަރާކުރައްވާފައެވެ.

ހޮންގްޑޮންގް ފިޝަރީޒްއަކީ ދުނިޔޭގެ ފެންވަރުގައި މަސްވެރިކަމާއި މެރިކަލްޗަރ ދާއިރާގައި ބޮޑެތި އިންވެސްޓްމަންޓްތަކެއް ކޮށްފައިވާ ބޮޑު ކުންފުންޏެކެވެ. މި ކުންފުނިން ޗައިނާގެ ފުޖިއާން ޕްރޮވިންސްއާއި އެހެނިހެން ޤައުމުތަކުގައި ވެސް މުހިންމު ވަސީލަތްތައް ހިންގަމުންދެއެވެ. ޚާއްސަ ގޮތެއްގައި، ދިވެހިރާއްޖޭގައި މެރިކަލްޗަރ ދާއިރާ ކުރިއެރުވުމަށް މަސްވެރިކަމާ ބެހޭ މިނިސްޓްރީއާ ގާތުން މި ކުންފުނިން މަސައްކަތްކުރަމުން އަންނަނީ ދިވެހި އިޤްތިޞާދަށް ފައިދާހުރި ގޮތެއްގައި މަސްވެރިކަމުގެ އުފެއްދުންތެރިކަން އިތުރުކުރުމުގެ މަޤްޞަދުގައެވެ.

މި ޒިޔާރަތުގެ ތެރެއިން، މިނިސްޓަރ ޝިޔާމް ވަނީ ހޮންގްޑޮންގް ފިޝަރީޒްގެ އިސް ވެރިންނާއެކު މުހިންމު ބައްދަލުވުމެއް ބާއްވާފައެވެ. މި ބައްދަލުވުމުގެ މައިގަނޑު މަޤްޞަދަކީ ދިވެހިރާއްޖޭގެ މަސްވެރިކަމާއި މެރިކަލްޗަރ ދާއިރާގައި ހުރި އިންވެސްޓްމަންޓްގެ ފުރުޞަތުތައް ދެނެގަނެ، މުސްތަޤުބަލުގައި އެއްބާރުލުން ދެވިދާނެ ދާއިރާތަކާ ބެހޭގޮތުން މަޝްވަރާކުރުމެވެ. ދިވެހިރާއްޖޭގެ މަސްވެރިކަމުގެ ސިނާއަތަށް އާ ޓެކްނޮލޮޖީތަކާއި އިންވެސްޓްމަންޓްތައް ގެނައުމަކީ މި ސަރުކާރުގެ މުހިންމު އަމާޒެކެވެ.