ރައީސުލްޖުމްހޫރިއްޔާ ނައިވާދޫ ފުޓްސަލް ދަނޑު ހުޅުއްވައިދެއްވައިފި

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ނައިވާދޫ ފުޓްސަލް ދަނޑު ރަސްމީކޮށް ހުޅުއްވައިދެއްވައިފިއެވެ.

ރައީސް މުޢިއްޒު ނައިވާދޫ ފުޓްސަލް ދަނޑު ހުޅުއްވައިދެއްވާފައިވަނީ ހދ. އަތޮޅުގެ ރަށްތަކަށް އެ މަނިކުފާނު މިހާރު ކުރައްވަމުން ގެންދަވާ ދަތުރުފުޅުގެ ތެރެއިން، ނައިވާދޫއަށް ވަޑައިގެންނެވެ. މި ދަތުރުފުޅުގައި ރައީސް މުޢިއްޒުވަނީ އެ ރަށުގައި ގިނަ ދާއިރާތަކެއްގެ ކުޅިވަރު މަޝްރޫޢުތަކެއް ހުޅުވުމުގެ އިތުރުން އެ ރަށުގެ ރައްޔިތުންނާވެސް ބައްދަލުކުރައްވާފައެވެ.

ނައިވާދޫގައި އަލަށް ހުޅުވި ފުޓްސަލް ދަނޑަކީ މި ސަރުކާރުން މަސައްކަތް ފަށައި ފުރިހަމަކުރި ދަނޑެކެވެ.

މި ދަނޑުގެ ޤާއިމްކުރުމުގެ އެއްބަސްވުމުގައި ސޮއިކުރީ 18 ސެޕްޓެމްބަރު 2023ގައެވެ. ނަމަވެސް އެކި އެކި ސަބަބުތަކާ ހުރެ މި ދަނޑު އެޅުމަށް ހަމަޖެހިފައިވާ ސަރަހައްދު ކޮންޓްރެކްޓަރުންނާ ހަވާލުކުރެވުނީ 18 އޭޕްރީލް 2024ގަ އެވެ. މި ދަނޑުގެ އަމަލީ މަސައްކަތް ފަށައި، މަސައްކަތް އެއްކޮށް ފުރިހަމަކޮށްފައިވަނީ މިއަހަރުގެ ތެރޭގައެވެ.