logo
banner image

ނައިވާދޫ ފުޓްބޯޅަ ދަނޑުގެ މަސައްކަތް ވަރަށް އަވަހަށް ފެށޭނެ: ރައީސް

ހދ. ނައިވާދޫ ފުޓްބޯޅަ ދަނޑުގެ މަސައްކަތް ކުރާނެ ބަޔަކު މިމަހުގެ ތެރޭގައި ހޯދާފައިވާކަމަށާއި ވަރަށް އަވަހަށް އެ ދަނޑުގެ އަމަލީ މަސައްކަތް ފެށޭނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސުލްޖުމްހޫރިއްޔާ މިހެން ވިދާޅުވީ ހދ. އަތޮޅަށް ކުރައްވާ ދަތުރުފުޅުގެ ތެރެއިން ނައިވާދޫއަށް ވަޑައިގެން އެރަށުގެ ރައްޔިތުންނާ ބައްދަލުކުރައްވާ ދެއްކެވި ވާހަކަފުޅުގައެވެ.

ރައީސް ފުަޓްބޯޅައިގައި ވަރަަށް ކާމިޔާތައް ހޯދާ ރަށެއް ކަމަށާއި އެހެންނަމަވެސް ފުޓްބޯޅަ ދަނޑުގެ ބޭނުން އޮތީ ނުހިފި ކަމަށެވެ.

ރައީސް ވިދާޅުވީ އެ ފުޓްބޯޅަ ދަނޑު ތަރައްގީކުރާނީ ހުރިހާ ވަސީލަތްތަކާއިއެކު ރޭގަނޑައި ދުވާލުވެސް ދަނޑު ބޭނުން ކުރެވޭގޮތަށް ކަމަަށެވެ.

”ލައިޓްޖެހުމާ ހަމައަށް ރަނގަޅު ފެންވަރުގައި އިރާދުކުރެއްވިއްޔާ ފުޓްބޯޅަ ދަނޑުގެ މަސައްކަތް ވަރަށް އަވަހަށް ފެށިގެންދާނެ. އެ މަޝްރޫއު ނިމިގެންދާއިރު މި ދެންނެވި ފަދައިން ފެންސްޖެހި ލައިޓްޖެހި ހުރިހާ ކަމެއް ފުރިހަމަވެގެންދާނެ. އިރާދުކުރެއްވިއްޔާ އެކަން ދާދި އަވަހަށް މި ދެންނެވި ގޮތަށް ފެށިގެންދާނެ“ ރައީސް ވިދާޅުވިއެވެ.

ރައީސުލްޖުމްހޫރިއްޔާ ވިދާޅުވީ ދަނޑުގައި ލައިޓް ހަރުކުރެވުމަކީ ނައިވާދޫ ޒުވާނުންނަށް އަދި ކުޅިވަރަށް ކުޅޭ ފަރާތްތަކަށްވެސް ވަރަށް މުހިންމު ކަމެއް ކަމަށެވެ.