ޑރ. ޢާޢިޝަތު ޝިހާމް ކުޅިވަރުގެ ދާއިރާއަށް ކޮށްދެއްވާފައިވާ ޚިދުމަތުގެ އަގުވަޒަންކޮށްފި
ރާއްޖޭގެ ކުޅިވަރަށް ގިނަ ޚިދުމަތްތަކެއް ކޮށްދީފައިވާ ކުރީގެ ކުޅިވަރު ވަޒީރުންގެ ޚިދުމަތުގެ އަގުވަޒަންކުރުމުގެ ގޮތުން ކުޅިވަރާއި ހަށިހެޔޮކަމާ ބެހޭ ވުޒާރާއިން ޚާއްސަ ރަސްމިއްޔާތެއް ބާއްވައިފިއެވެ.
މިގޮތުން މި ބޭފުޅުންގެ ތެރޭގައި މިހާރުގެ އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ. ޢާޢިޝަތު ޝިހާމް ވެސް ވަނީ ހިމެނިވަޑައިގެންފައެވެ.
ކުރީގެ ވަޒީރުންގެ ގޮތުގައި ތިއްބަވައި، ކުޅިވަރަށް ޚިދުމަތްކޮށްދެއްވި ޖުމްލަ 13 ފަރާތެއްގެ މަސައްކަތުގެ އަގު ވަނީ ވަޒަންކޮށްފައިވެއެވެ.
އެ ބޭފުޅުންގެ ތެރޭގައި ހިމެނެނީ، ޑރ. ޢާއިޝަތު ޝިހާމްގެ އިތުރުން، (ނ.ޢ.ޢވ) އަލްމަރްޙޫމް އުމަރު ޒާހިރު، ރާޝިދާ ޔޫސުފް، (ނ.ޢ.ޢވ) ޑރ. މުހައްމަދު ޒާހިރު ހުސައިން، އިބްރާހިމް ހުސައިން މަނިކު، ހުސައިން ހިލްމީ، މުހައްމަދު ވަޙީދުއްދީން، ހަސަން ލަތީފް، މުހައްމަދު ހުސެއިން ޝަރީފް، މުޙައްމަދު މަލީހު ޖަމާލް، އަހުމަދު ޒުހޫރު، އިރުތިޝާމް އާދަމް އަދި، އަހުމަދު މަހުލޫފްއެވެ.