މި އަހަރު ޖޫން މަހު މި ވުޒާރާއަށް ހުށަހެޅިފައިވާވަކި ޖިންސަކަށް ވީތީ ކުރާ އަނިޔާ އަދި ގެވެށި އަނިޔާގެ މައްސަލަތަކުގެ ތަފާސް ހިސާބު

2025 ވަނަ އަހަރުގެ ޖޫން މަހު އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއަށް ވަކި ޖިންސަކަށް ވީތީ ކުރާ އަނިޔާ އަދި ގެވެށި އަނިޔާގެ ޖުމްލަ 35 މައްސަލަ ހުށަހެޅިފައިވެއެވެ.

މި ބާވަތުގެ މައްސަލަތަކުގެ ތެރެއިން އެންމެ ގިނައިން ރިޕޯޓުކޮށްފައިވަނީ ޖިސްމާނީ އަނިޔާކުރުމާއި، ނަފްސާނީ އަނިޔާކުރުން އަދި އަނގަބަހުން ކުރެވޭ އަނިޔާގެ މައްސަލައެވެ. އެގޮތުން، ޖިސްމާނީ އަނިޔާކުރުމުގެ 14 މައްސަލައާއި، ނަފްސާނީ އަނިޔާކުރުން އަދި އަނގަބަހުން ކުރެވޭ އަނިޔާގެ 14 މައްސަލަ ހުށަހެޅިފައިވެއެވެ.

ހަމައެހެންމެ، ވަކި ޖިންސަކަށް ވީތީ ކުރާ އަނިޔާ އަދި ގެވެށި އަނިޔާގެ ތެރޭގައި، މުދާ ހިފެހެއްޓުމާއި މުދަލައް ގެއްލުންދިނުމުގެ 2 މައްސަލައެއް ވެސް ހިމެނެއެވެ. އަދި، ބިރުދެއްކުމުގެ ގޮތުން ކުރެވޭ ކަންކަމުގެ 05 މައްސަލައެއް ވެސް ވަނީ މިއަހަރު ޖޫން މަހު މި ވުޒާރާއަށް ރިޕޯޓުކޮށްފައެވެ.

ވަކި ޖިންސަކަށް ވީތީ ކުރާ އަނިޔާ އަދި ގެވެށި އަނިޔާގެ މައްސަލަތަކުގެ ތެރޭގައި ހިމެނެނީ، އަންހެނުންނާއި ގުޅޭ 33 މައްސަލައަކާއި ފިރިހެނުންނައި ގުޅޭ 02 މައްސަލައެކެވެ.